Фонд «Цэнтр грамадскага дыялогу» — месца, дзе гучаць галасы, нараджаюцца ідэі, а дыялог становіцца ключом да ўзаемапаразумення!
Мы верым, што ў сучасным свеце важным элементам поспеху з'яўляецца здольнасць эфектыўна ўзаемадзейнічаць і знаходзіць агульныя пункты гледжання. У наш час, калі камунікацыя і ўзаемапаразуменне гуляюць ключавую ролю ў стварэнні паспяховага грамадства, мы імкнёмся быць мостам, які злучае розныя пункты гледжання і досведы. Мы лічым, што адкрыты і шчыры дыялог адыгрываюць важную ролю ў развіцці грамадства, і менавіта гэтай працы мы прысвячаем сваю дзейнасць.
Фонд «Цэнтр грамадскага дыялогу» — гэта каманда экспертаў, валанцёраў, грамадзянаў Беларусі, Польшчы і Украіны, якіх аб’ядноўвае дзейнасць па супрацоўніцтве і ўзаемадапамозе, развіцці грамадскіх, адукацыйных і культурных сувязяў паміж нашымі народамі.
Наша місія — стварэнне асяроддзя, у якім кожны:
- Можа паспяхова праяўляць свае здольнасці, лёгка адаптавацца, развіваць навыкі грамадскай дзейнасці і атрымліваць рэсурсную падтрымку для яе рэалізацыі;
- На падставе каштоўнасцяў міру, узаемадапамогі і добрасуседства ўдзельнічаць у фармаванні будучыні Еўропы, а найперш краін, грамадзянамі якіх з’яўляецца наша каманда: Беларусі, Польшчы і Украіны.
Скразныя каштоўнасці нашай арганізацыі: дэмакратыя, гендарная роўнасць, еўрапейскі выбар для Беларусі і Украіны, адказнае спажыванне рэсурсаў Зямлі (Lagom).
Мы шукаем партнёраў для сумесных праграмаў па:
- Прасоўванні грамадзянскай адукацыі і культурнай самаідэнтыфікацыі;
- Дапамозе ў адаптацыі грамадзянам Беларусі і Украіны, якія знаходзяцца ў Польшчы, аказанне псіхалагічнай падтрымкі;
- Дапамозе прадстаўнікам і грамадскім арганізацыям і ініцыятывам з Беларусі ў вызначэнні кірункаў развіцця, пошуку арганізацый-партнёраў, дзе можна прымяніць і развіваць навыкі грамадскай дзейнасці;
- Стварэнні супольнасці грамадзян з Беларусі, Украіны, Польшчы, а таксама іншых краін для набыцця навыкаў грамадскай дзейнасці, індывідуальнага прадпрымальніцтва (самазанятыя, рамеснікі), прадстаўлення інтарэсаў, прасоўвання добрасуседства і ўзаемадапамогі.
Фонд «Цэнтр грамадскага дыялогу» закліканы быць месцам, дзе людзі з розных сфераў могуць сустракацца, абменьвацца ідэямі і разам працаваць над вырашэннем актуальных праблем.
Сёння мы хочам падкрэсліць, што Фонд «Цэнтр грамадскага дыялогу» адкрыты для супрацоўніцтва! Калі вы ці ваша арганізацыя імкнецеся да актыўнага ўдзелу ў грамадскім жыцці, давайце аб’яднаем намаганні! Незалежна ад таго, ці вы з'яўляецеся прадстаўніком бізнесу, адукацыйнай установы, дзяржаўнага органа ці актывістам, ваш погляд мае значэнне, і мы будзем рады бачыць вас у нашай супольнасці! Мы адкрытыя для супрацоўніцтва, абмену ідэямі і сумесных праектаў.